ИХ ЗАСАГ САНХҮҮ ЭДИЙН ЗАСГИЙН СУРГУУЛЬ
Мэндчилгээ
Мэндчилгээ
Их Засаг Санхүү эдийн засгийн сургуулийн үе үеийн төгсөгчид, хамтран ажилладаг болон ажил олгогч байгууллагууд, ажилтан ажилчиддаа хамт олныхоо өмнөөс ажлын амжилт, эрүүл энх, аз жаргал, сайн сайхан бүхнийг хүсэн ерөөе.
Их засаг санхүү эдийн засгийн сургууль нь Их засаг олон улсын их сургуулийнтомоохон салбар бүрэлдэхүүний сургуулийн нэг бөгөөд 22 дахь жилдээ сургалт хүмүүжлийн үйл ажиллагаагаа амжилттай явуулж байна. Боловсролын Магадлан Итгэмжлэх Үндэсний Зөвлөлөөр Нягтлан бодох бүртгэл, Банк, Эдийн засаг/Гааль, татварын эдийн засаг/ хөтөлбөрүүдээ амжилттай магадлуулсан. Хамтран ажиллагч байгууллагынхаа хүрээг тэлж, боловсролын салбарт манлайлал үзүүлж, нийгмийн хариуцлагыг өндөр түвшинд гүйцэтгэх зорилт тавин ажиллаж байна. Боловсролын багц хуулийг хэрэгжүүлэх, Их засаг Олон улсын их сургуулийнхаа бодлого зорилтыг хэрэгжүүлэх үйлсэд манай хамт олон хувь нэмрээ оруулан ажиллаж байна.
Та бүхэнд ажил хөдөлмөрийн өндөр амжилт хүсэн ерөөе.
Их Засаг Санхүү Эдийн засгийн сургуулийн захирал М.Дашдэлэг
ТҮҮХЭН ТОВЧОО
ТҮҮХЭН ТОВЧОО
Их Засаг ОУИС-ийн Санхүү эдийн засгийн сургууль нь 2002 оны 09 дүгээр сард Их Засаг ОУИС-ийн 6-р факультетад нягтлан бодох бүртгэлийн ангийг нээснээр үндэс суурь нь тавигдсан. Улмаар 2006-2007 оны хичээлийн жилээс Их Засаг ОУИС-ийн бүрэлдэхүүн сургууль болон өргөжсөн. Эдийн засаг, нягтлан бодох бүртгэлийн сургууль нэртэйгээр Бизнесийн удирдлага Нягтлан бодох бүртгэл, Гааль, татварын эдийн засаг, Банкны эдийн засаг, Бизнесийн менежмент хөтөлбөрүүдээр мэргэжилтэй боловсон хүчин бэлтгэх ажлыг эрхлэн гүйцэтгэж ирсэн.
Анхны захирлаар Л.Оюун, деканаар Ю.Эрдэнэчимэг, курс хариуцсан багшаар Б.Өнөрцэцэг, анхны тэнхимийн эрхлэгчээр Доктор /Ph.D./, дэд профессор, Д. Төмөрчөдөр нар ажиллаж байв. Үүнээс хойш 2014 оноос Монгол удирдлага санхүү эдийн засгийн сургууль, 2015 оноос Их Засаг санхүү эдийн засгийн сургууль нэртэйгээр сургалт хүмүүжлийн үйл ажиллагаа явуулж байна.
Манай сургууль жил бүр зохион байгуулагддаг сургалт, хүмүүжил, олон нийтийн ажилд амжилттай оролцож Их засаг ОУИС-ийн 2009, 2011, 2013 2019 2023 онуудын Оны Шилдэг сургуулиар тус тус шалгарч байсан томоохон салбар сургуулийн нэг юм.
Багшлах боловсон хүчиний хувьд олон жил ажилласан дадлага туршлагатай багш нар сургалт хүмүүжлийн үйл ажиллагаагаа явуулж байгаа бөгөөд захирал М.Дашдэлэг Тэнхимийн эрхлэгчээр Ц.Бямбарагчаа Доктор /Ph.D дэд проф/, деканаар Т.Алтантуяа нар ажиллаж байна.
Сургуулийн дэргэд “Залуу санхүүч”, “Залуу эдийн засагч”, “Залуу судлаач”, “Банкир”, “Customs-edu”, “Young life”зэрэг оюутнуудын сайн дурын клуб, байгууллагууд ажилладаг. Мөн Оюутны хөгжлийн төв, Бүлэг аравтын дарга нарын зөвлөл үйл ажиллагааг явуулан оюутнуудын хүсэл сонирхолд нийцсэн олон төрлийн арга хэмжээ зохион байгуулдаг. Энэ хугацаанд Монгол улсын төрийн болон хувийн хэвшлийн аж ахуй нэгж, бизнесийн байгууллагуудад хөдөлмөр эрхлэх шаардлага хангасан нийт 4800 гаруй мэргэжилтэн бэлтгээд байна.
Холбоо барих:
Улаанбаатар хот, Сонгинохайрхан дүүрэг, 27-рхороо, Чингис Соосэ цогцолбор, Их засаг санхүү эдийн засгийн сургууль
Шуудангийн хайрцаг: 349, Zip код-13381,
Цахим хуудас: www.ikhzasag.edu.mn
Утас: 88027621 95570033
Факс: +(976)-70002509
ДАВУУ ТАЛ, ОНЦЛОГ
ДАВУУ ТАЛ, ОНЦЛОГ
Бизнесийн бүхий л салбарт төрийн болон хувийн хэвшлийн ААН байгууллагуудын маркетинг, менежментийн алба, санхүүгийн хэлтэс, банк бус санхүүгийн байгууллагад ажиллах чадвартай, өнөөгийн хөдөлмөрийн зах зээлд хамгийн их эрэлттэй бизнесийн эдийн засаг, нягтлан бодох бүртгэл, банк, даатгал, гааль татварын мэргэжилтэн бэлтгэдэг.
Мэргэжлийн болон суурь хичээлээс гадна нэмэлт хөтөлбөрийн дагуу бизнесийн англи хэл, компьютер эрх зүй хичээлүүдийг судалдаг.
Мэргэжлийн чиглэлээр зохион байгууллагдаж буй олимпиад, эрдэм шинжилгээний хуралд оролцох боломжоор ханган, санхүүгийн тусламж дэмжлэг үзүүлдэг.
Оюутны үүсгэн санаачлагын байгууллагууд,клубуудыг дэмжиж ажилладаг. Тэдний үйл ажиллагаагаар дамжуулан оюутны бие даан ажиллах чадварыг хөгжүүлэх, танхимын сургалтаар олж авсан мэдлэгийг практикт хэрэглэх гүнзгийрүүлэх, чөлөөт цагийг зөв боловсон өнгөрүүлэх, өөрсдийгөө хөгжүүлэх бүрэн боломжтой юм.
Төгсөгчдийн 90-аас дээш хувь нь мэргэжлээрээ ажилладаг бөгөөд ажлын байраар хангагдсан.
СЭЗС скем зураг
Хөтөлбөр
| № | Хөтөлбөрийн нэр | Мэргэжил | ЭЕШ 1, 2 | Мэргэшил | Хугацаа |
|---|---|---|---|---|---|
| 1 | Бизнесийн удирдлага | Математик | 4 жил | ||
| 2 | Санхүүгийн менежмент | Математик | 4 жил | ||
| 3 | Банкны эдийн засаг | Математик | 4 жил | ||
| 4 | Банкны менежмент | Математик | 4 жил | ||
| 5 | менежмент Олон улсын худалдаа эдийн засаг | Математик | 4 жил | ||
| 6 | Нягтлан бодох бүртгэл | Математик | 4 жил | ||
| 7 | Гадаад худалдаа гаалийн | Математик, Нийгмийн тухай мэдлэг, Физик, Англи хэл, Орос хэл | 4 жил | ||
| 8 | Эдийн засаг | Гааль татварын эдийн засаг | ЭЕШ 1, Математик-480 ЭЕШ 2 Нийгэм-480 Англи хэл 480 | Гаалийн байгууллагын албан тушаалтан, Татварын байгууллагын албан тушаалтан, Нийгмийн даатгалын байгууллагын албан тушаалтан, Даатгалын байгууллагын албан тушаалтан, Банк, Банк санхүүгийн байгууллагын мэргэжилтэн, Эдийн засагч | 4 жил |
