Хураангуй: Энэхүү өгүүлэлд даяаршлын үйл явцын нийгэм, эдийн засаг, улс төр, соёлын хүрээнд үзүүлж буй нөлөө болон улс орнуудын хөгжлийн бодлогод анхаарах зарим асуудлыг авч үзжээ. Даяаршил нь улс орнуудын харилцан хамаарлыг нэмэгдүүлж, мэдээлэл, технологи, хөрөнгө, бараа үйлчилгээний урсгалыг эрчимжүүлэхийн зэрэгцээ улс үндэстний эдийн засаг, нийгмийн тогтвортой байдалд шинэ сорилт, боломжийг бий болгож байгааг онцолсон байна. Зохиогч даяаршлын нөхцөлд улс орон өөрийн үндэсний эрх ашиг, онцлог, хөгжлийн зорилтоо хадгалан дэлхийн хөгжлийн чиг хандлагатай уялдуулах шаардлагатайг тэмдэглэжээ. Ялангуяа эдийн засгийн бодлого, төрийн зохицуулалт, үндэсний үйлдвэрлэл, хүний хөгжил, боловсрол, шинжлэх ухаан, технологийн хөгжилд онцгой анхаарах шаардлагатай гэж үзсэн байна.

Түлхүүр үг: Даяаршил; төрийн бодлого; хөгжлийн бодлого; үндэсний эрх ашиг; эдийн засгийн хөгжил; нийгмийн хөгжил; хүний хөгжил; үндэсний үйлдвэрлэл; тогтвортой хөгжил; төрийн зохицуулалт.