Түүхэн товчоон

БИДНИЙ ТУХАЙ

Хүн төвтэй боловсрол – Хөгжлийн шинэ боломж – Итгэлтэй ирээдүй

Их Засаг Их Сургуулийн Хүмүүнлэгийн ухааны сургууль нь нийгмийн хөгжил, хүний хөгжил, боловсрол, урлаг, соёл, сэтгэл зүйн салбарын хэрэгцээ шаардлагад нийцсэн мэдлэг, ур чадвар, мэргэжлийн ёс зүйтэй боловсон хүчин бэлтгэх эрхэм зорилготой сургалтын байгууллага юм.

Тус сургууль нь 2012 онд Жүжиглэх урлаг, Найруулагч, Сэтгүүл зүйн чиглэлээр анхны элсэлтээ авч, сургалт, хүмүүжлийн үйл ажиллагаагаа эхлүүлсэн түүхтэй.

2015 оноос сургалтын үйл ажиллагаагаа өргөжүүлж, Багш, бага боловсрол, Сэтгэл зүй, Жүжиглэх урлагийн чиглэлээр мэргэжилтэн бэлтгэх болсон бөгөөд 2018 оноос Сэтгэл судлалын мэргэжлээр нэмэлт элсэлт авч, хүний зан төлөв, сэтгэл зүй, нийгмийн харилцаа, хувь хүний хөгжлийн чиглэлээр мэргэжлийн сургалтыг хөгжүүлэн ажиллаж байна.

Хүмүүнлэгийн ухааны сургууль нь боловсрол, сэтгэл судлал, нийгмийн ажил, урлагийн боловсролын чиглэлээр сургалтын хөтөлбөрүүдээ хөгжүүлж, суралцагчдын онолын мэдлэгийг практик ур чадвартай хослуулах, бие даан суралцах, бүтээлчээр сэтгэх, нийгмийн хариуцлагатай иргэн болон төлөвших боломжийг бүрдүүлэхийг зорин ажиллаж байна.

Бид боловсролыг зөвхөн мэргэжил эзэмшүүлэх үйл явц бус, хүнийг танин мэдэх, хөгжүүлэх, нийгэмд эерэг өөрчлөлт бий болгох үнэт зүйл гэж үздэг.

АЛСЫН ХАРАА

Хүн төвтэй, чанартай, хүртээмжтэй боловсролыг хөгжүүлж, үндэсний болон олон улсын түвшинд өрсөлдөх чадвартай, хүнлэг ёс суртахуунтай, мэргэжлийн өндөр ур чадвартай төгсөгчдийг бэлтгэдэг тэргүүлэх сургуулийн нэг болох.

ЭРХЭМ ЗОРИЛГО

Суралцагч бүрийн авьяас, сонирхол, нөөц боломжийг нээн хөгжүүлж, мэргэжлийн мэдлэг, практик чадвар, судалгааны арга барил, харилцааны соёл, ёс зүйн төлөвшлийг цогцоор нь эзэмшсэн мэргэжилтэн бэлтгэх.

ҮНЭТ ЗҮЙЛС

• Хүнлэг хандлага: Хүн бүрийн үнэ цэн, эрх, онцлогийг хүндэтгэх.
• Мэргэжлийн ёс зүй: Мэргэжлийн хариуцлага, шударга байдал, итгэлцлийг эрхэмлэх.
• Чанартай боловсрол: Шинжлэх ухааны үндэслэлтэй мэдлэг, чадварыг эзэмшүүлэх.
• Бүтээлч сэтгэлгээ: Шинийг санаачлах, асуудлыг шийдвэрлэх чадварыг хөгжүүлэх.
• Нийгмийн хариуцлага: Нийгмийн хөгжил, сайн сайхны төлөө хувь нэмэр оруулах.
• Тасралтгүй хөгжил: Насан туршийн суралцахуй, хувь хүний хөгжлийг дэмжих.

СУРГАЛТЫН ХӨТӨЛБӨРҮҮД

Ирээдүйгээ бүтээх мэргэжлийн чиглэл

1. Сэтгэл судлал

Хүний сэтгэц, зан төлөв, сэтгэл хөдлөл, танин мэдэхүй, харилцаа, хувь хүний хөгжлийн зүй тогтлыг шинжлэх ухааны үндэслэлтэй судалдаг мэргэжил.

Суралцагчид сэтгэл судлалын онол, судалгааны арга зүй, сэтгэл зүйн үнэлгээ, зөвлөгөө өгөх үндсэн арга барил, харилцааны ур чадвар эзэмшинэ.

Эзэмших мэдлэг, чадвар:

• Хүний сэтгэл зүйн онцлогийг танин мэдэх, судлах.
• Сэтгэл зүйн судалгаа, үнэлгээ хийх.
• Хувь хүн, бүлэг, байгууллагын сэтгэл зүйн онцлогийг ойлгох.
• Сэтгэл зүйн зөвлөгөөний суурь арга барил эзэмших.
• Мэргэжлийн ёс зүй, нууцлал, хариуцлагыг баримтлах.

Ажиллах боломж: Боловсролын байгууллага, хүний нөөцийн алба, нийгмийн үйлчилгээний байгууллага, судалгааны байгууллага болон сэтгэл зүйн үйлчилгээний чиглэлээр ажиллах боломжтой.

2. Багш, бага боловсрол

Бага насны хүүхдийн хөгжлийн онцлогт тохирсон сургалт зохион байгуулж, суралцахуйн суурь мэдлэг, чадвар, зөв дадал, төлөвшлийг бий болгох чадвартай бага боловсролын багш бэлтгэнэ.

Эзэмших мэдлэг, чадвар:

• Бага ангийн сургалтын агуулга, арга зүй эзэмших.
• Хүүхдийн нас, сэтгэхүй, хөгжлийн онцлогийг харгалзан сургах.
• Сургалтын хөтөлбөр боловсруулах, хэрэгжүүлэх.
• Суралцагчийн ахиц, амжилтыг үнэлэх.
• Цахим болон идэвхтэй сургалтын арга технологи ашиглах.
• Хүүхэд бүрийн онцлогт нийцсэн тэгш хамруулах сургалт зохион байгуулах.

Ажиллах боломж: Ерөнхий боловсролын сургуулийн бага ангийн багш, сургалтын арга зүйч, боловсролын байгууллагын мэргэжилтэн.

3. Багш, сургуулийн өмнөх боловсрол

Сургуулийн өмнөх насны хүүхдийн бие бялдар, танин мэдэхүй, хэл яриа, нийгэмшихүй, сэтгэл хөдлөлийн хөгжлийг дэмжих мэдлэг, арга зүйтэй багш бэлтгэнэ.

Эзэмших мэдлэг, чадвар:

• Сургуулийн өмнөх насны хүүхдийн хөгжлийн онцлогийг судлах.
• Хүүхэд хөгжүүлэх сургалт, үйл ажиллагаа зохион байгуулах.
• Тоглоомд суурилсан сургалтын арга ашиглах.
• Хүүхдийн авьяас, сонирхол, бүтээлч чадварыг хөгжүүлэх.
• Эцэг эх, асран хамгаалагчтай үр дүнтэй хамтран ажиллах.
• Хүүхдийн аюулгүй байдал, эрх, хамгааллыг эрхэмлэх.

Ажиллах боломж: Цэцэрлэгийн багш, арга зүйч, сургуулийн өмнөх боловсролын байгууллагын мэргэжилтэн.

4. Жүжиглэх урлаг

Тайз, дэлгэцийн урлагийн бүтээлд дүр бүтээх, уран сайхны сэтгэлгээ, жүжигчний ур чадвар, биеийн болон дуу хоолойн илэрхийллийг хөгжүүлэх чиглэлээр мэргэжилтэн бэлтгэнэ.

Эзэмших мэдлэг, чадвар:

• Жүжигчний ур чадвар, дүрийн судалгаа хийх.
• Тайзны хөдөлгөөн, хэл яриа, дуу хоолойн техник эзэмших.
• Дүр бүтээх сэтгэл зүйн арга барил ашиглах.
• Тайз, дэлгэцийн бүтээлд ажиллах.
• Багаар ажиллах, уран бүтээлийн хамтын ажиллагаанд оролцох.
• Урлагийн бүтээлийг шинжлэх, үнэлэх.

Ажиллах боломж: Театр, кино, телевиз, урлаг соёлын байгууллага, продакшн, уран бүтээлийн студи.

5. Нийгмийн ажил

Хувь хүн, гэр бүл, бүлэг, олон нийтийн тулгамдсан асуудлыг тодорхойлж, нийгмийн хамгаалал, үйлчилгээ, дэмжлэгийн хүрээнд мэргэжлийн туслалцаа үзүүлэх чадвартай мэргэжилтэн бэлтгэнэ.

Эзэмших мэдлэг, чадвар:

• Нийгмийн асуудал, эрсдэлийг тодорхойлох.
• Хувь хүн, гэр бүлтэй ажиллах арга зүй эзэмших.
• Хүүхэд, гэр бүл, ахмад настан, эмзэг бүлгийн эрх ашгийг хамгаалах.
• Нийгмийн үйлчилгээ, төсөл, хөтөлбөр хэрэгжүүлэх.
• Олон нийтэд түшиглэсэн үйл ажиллагаа зохион байгуулах.
• Мэргэжлийн харилцаа, ёс зүйг баримтлах.

Ажиллах боломж: Нийгмийн халамж, хамгааллын байгууллага, боловсрол, эрүүл мэнд, төрийн болон төрийн бус байгууллага, олон улсын төсөл хөтөлбөр.

6. Сэтгэл судлал + Эрх зүй

Сэтгэл судлал болон эрх зүйн мэдлэгийг хослуулан эзэмшүүлэх, хүний зан төлөв, нийгмийн харилцаа, эрх зүйн орчны уялдаа холбоог ойлгох чадвартай мэргэжилтэн бэлтгэхэд чиглэсэн хосолсон сургалтын чиглэл.

Эзэмших мэдлэг, чадвар:

• Сэтгэл зүйн болон эрх зүйн суурь мэдлэг эзэмших.
• Хүний зан төлөв, нийгмийн харилцааг ойлгох.
• Эрх зүйн орчинд хүний эрх, ашиг сонирхлыг хүндэтгэх.
• Нийгмийн болон сэтгэл зүйн асуудлыг олон талаас нь шинжлэх.
• Хууль, сэтгэл зүйн салбар хоорондын хамтын ажиллагааг ойлгох.

7. Багш, бага боловсрол + Сэтгэл судлал

Бага боловсролын багшийн мэргэжлийн мэдлэгийг хүүхдийн сэтгэл судлал, хөгжлийн онцлогтой хослуулан эзэмшүүлэх чиглэл.

Эзэмших мэдлэг, чадвар:

• Бага боловсролын сургалтын арга зүй эзэмших.
• Хүүхдийн нас, сэтгэхүй, сэтгэл хөдлөлийн хөгжлийг ойлгох.
• Суралцахуйн бэрхшээл, ялгаатай хэрэгцээг танин мэдэх.
• Хүүхдийн авьяас, сонирхол, чадварыг хөгжүүлэх.
• Эцэг эх, багш, хүүхдийн харилцааг дэмжих.
• Хүүхэд төвтэй, сэтгэл зүйн ээлтэй сургалтын орчин бүрдүүлэх.

НЭМЭЛТ СУРГАЛТЫН ХӨТӨЛБӨРҮҮД

1. Багшлах эрх олгох сургалт

Их, дээд сургууль болон ерөнхий боловсролын сургуульд багшлах хүсэлтэй, мэргэжлийн суурь боловсрол эзэмшсэн иргэдэд сурган хүмүүжүүлэх ухаан, боловсролын онол, сургалтын арга зүй, үнэлгээ, боловсролын эрх зүйн мэдлэг олгох сургалт.

Сургалтын хүрээнд:

• Сургалтын онол, технологи.
• Тэгш хамруулах боловсрол.
• Сургалтын хөтөлбөрт тохируулга хийх арга зүй.
• Ангийн менежмент.
• Цахим сургалтын арга зүй.
• Хөгжлийн сэтгэл судлал.
• Судалгааны ажлын арга зүй зэрэг чиглэлээр мэдлэг, чадвар эзэмшүүлнэ.

2. Сэтгэл судлалын эчнээ сургалт

Ажил хөдөлмөр эрхэлж байгаа болон мэргэжил эзэмших хүсэлтэй иргэдэд суралцах боломж олгох сургалтын хэлбэр. Суралцагчдад сэтгэл судлалын онол, судалгаа, практик хэрэглээний мэдлэг олгоход чиглэнэ.

3. Боловсрол судлалын магистрын хөтөлбөр

Боловсролын салбарт ажиллаж буй багш, судлаач, мэргэжилтнүүдийн онол, арга зүй, судалгааны чадамжийг ахиулах, боловсролын асуудлыг шинжлэх ухааны үндэслэлтэй судлах, шийдвэрлэх чадварыг хөгжүүлэхэд чиглэнэ.

СУРГУУЛИЙН ДАВУУ ТАЛ

Хүмүүнлэгийн ухааны сургууль нь суралцагчдын мэргэжлийн мэдлэгийг практик чадвартай хослуулах, хувь хүний хөгжил, харилцаа, ёс зүйн төлөвшлийг дэмжихэд анхаардаг.

Бидний хөгжүүлэхийг зорьж буй давуу талууд:

1. Мэргэжил хоорондын уялдаа: Сэтгэл судлал, боловсрол, нийгмийн ажил, урлагийн мэдлэгийг харилцан уялдуулах.
2. Практикт суурилсан сургалт: Мэргэжлийн дадлага, төсөл, судалгаа, бүтээлч үйл ажиллагаагаар мэдлэгээ бататгах.
3. Хүн төвтэй сургалтын орчин: Суралцагч бүрийн ялгаатай хэрэгцээ, авьяас, боломжийг хүндэтгэх.
4. Хувь хүний хөгжил: Манлайлал, харилцаа, багаар ажиллах, өөрийгөө хөгжүүлэх чадварыг дэмжих.
5. Мэргэжлийн ёс зүй: Хариуцлагатай, шударга, хүнлэг мэргэжилтэн төлөвшүүлэх.
6. Тасралтгүй суралцах боломж: Үндсэн болон нэмэлт сургалтын хөтөлбөрөөр мэдлэг, ур чадвараа ахиулах боломж бүрдүүлэх.

ОЮУТНЫ ХӨГЖИЛ, ОРОЛЦОО

Бид оюутныг зөвхөн хичээлээр хязгаарлагдахгүй, нийгмийн идэвхтэй оролцоотой, өөрийн үзэл бодлоо илэрхийлдэг, бүтээлч, хариуцлагатай иргэн болон төлөвшихөд анхаардаг.

Оюутнууд дараах чиглэлээр өөрийгөө хөгжүүлэх боломжтой:

• Эрдэм шинжилгээний хурал, судалгааны ажил.
• Сэтгэл судлалын мэдлэг, ур чадварын уралдаан.
• Урлаг, соёл, уран бүтээлийн арга хэмжээ.
• Боловсрол, нийгмийн сайн дурын үйл ажиллагаа.
• Мэргэжлийн дадлага, төсөл, хөтөлбөр.
• Оюутны клуб, хамт олон, манлайллын үйл ажиллагаа.

БИДНИЙ ЗОРИЛГО – ТАНЫ ИРЭЭДҮЙ

Хүн бүрийн ирээдүй өөрийн сонгосон мэргэжил, эзэмшсэн мэдлэг, төлөвшүүлсэн ур чадвар, гаргасан хичээл зүтгэлээр бүтдэг.

Хүмүүнлэгийн ухааны сургууль нь таныг мэргэжилтэй төдийгүй хүнлэг сэтгэлтэй, зөв хандлагатай, нийгэмдээ үнэ цэн бүтээдэг, тасралтгүй хөгждөг мэргэжилтэн болоход тань дэмжинэ.

Өөрийгөө нээ. Мэргэжлээ сонго. Ирээдүйгээ бүтээ.

ИХ ЗАСАГ ХҮМҮҮНЛЭГИЙН УХААНЫ СУРГУУЛЬ

Итгэлтэй ирээдүй – Их Засаг Хүмүүнлэгийн ухааны сургууль.