Хураангуй: Энэхүү өгүүлэлд иргэний хэргийг шүүх хуралдаанаар хэлэлцэхэд бэлтгэх ажиллагааны эрх зүйн зохицуулалт, түүний хэрэгжилтийн онцлогийг авч үзсэн. Иргэний хэрэг хянан шийдвэрлэх ажиллагааны зорилго, зарчимд нийцүүлэн шүүх хуралдаанаар хэргийг зөв, шуурхай, үндэслэлтэй шийдвэрлэхэд бэлтгэл ажиллагаа чухал ач холбогдолтой болохыг тодорхойлсон. Судалгааны хүрээнд шүүх хуралдааны бэлтгэл ажиллагааны үе шат, шүүхийн болон хэргийн оролцогчдын эрх, үүрэг, нотлох баримтыг цуглуулах, гаргуулах, шинжлэн судлахтай холбоотой зохицуулалт, талуудын маргааныг тодруулах асуудлыг авч үзэв. Мөн Монгол Улсын иргэний хэрэг шүүхэд хянан шийдвэрлэх ажиллагаанд бэлтгэл ажиллагаатай холбоотой хууль зүйн зохицуулалтын хэрэгжилтэд тулгамдаж буй асуудлыг тодорхойлж, шүүхийн практикт анхаарах зарим асуудлыг дэвшүүлсэн.

Түлхүүр үг: Иргэний хэрэг; шүүх хуралдаан; бэлтгэл ажиллагаа; эрх зүйн зохицуулалт; нотлох баримт; хэргийн оролцогч; шүүхийн ажиллагаа; иргэний хэрэг хянан шийдвэрлэх ажиллагаа.