Хураангуй: Энэхүү судалгаанд БНХАУ-ын боловсролын тогтолцоонд багшийн мэргэжлийн хөгжил, түүний өнөөгийн байдал, тулгамдаж буй асуудлыг авч үзжээ. Судалгаагаар багшийн мэргэжлийн хөгжил нь боловсролын чанар, сургалтын үр дүн болон багшийн ур чадварыг дээшлүүлэхэд чухал ач холбогдолтой боловч орон нутгийн нөхцөл, боловсролын байгууллагын онцлог, багшийн ажлын ачаалал зэрэг хүчин зүйлээс шалтгаалан хэрэгжилт харилцан адилгүй байгааг онцолсон байна. Мөн багшийн мэргэжлийн хөгжлийг дэмжихэд сургалтын тогтолцоо, байгууллагын дэмжлэг, багшийн өөрийн хөгжлийн хэрэгцээ, практикт суурилсан мэргэжил дээшлүүлэх арга замыг уялдуулах шаардлагатайг судалжээ. Судалгааны үр дүнд багшийн мэргэжлийн хөгжлийг тогтвортой хангахын тулд сургалтын агуулга, арга зүйг боловсронгуй болгох, байгууллагын дэмжлэгийг нэмэгдүүлэх, багшийн бодит хэрэгцээнд нийцсэн мэргэжлийн хөгжлийн тогтолцоог бүрдүүлэх шаардлагатай гэж дүгнэсэн байна.

Түлхүүр үг: Багшийн мэргэжлийн хөгжил; Боловсролын тогтолцоо; Багшийн ур чадвар; Багшийн хөгжил; Мэргэжил дээшлүүлэлт; Сургалтын чанар; Боловсролын байгууллага; БНХАУ; Монгол Улс.