Бүтцийн схем
Сургалтын байршил:
Их Засаг олон улсын их сургуулийн сургалтын үйл ажиллагаа Улаанбаатар хотын баруун болон зүүн хэсэгт байрлах хоёр цогцолборт явагддаг. Тодруулбал:
- I цогцолбор: Улаанбаатар хот, Баянзүрх дүүргийн 4 дүгээр хорооны нутаг дэвсгэр
- II цогцолбор: Улаанбаатар хот, Сонгинохайрхан дүүргийн 5 дугаар хорооны нутаг дэвсгэр
Мөн орон нутагт буюу Баянхонгор, Дархан-Уул аймагт харьяа бүрэлдэхүүний сургуулиудынхаа тусламжтайгаар сургалт, хүмүүжлийн үйл ажиллагааг амжилттай явуулж байна.
Бүрэлдэхүүний сургуулиуд:
Их Засаг олон улсын их сургууль дараах бүрэлдэхүүний сургуулиудтай:
- Их Засаг Хууль зүйн сургууль
- Их Засаг Санхүү, эдийн засгийн сургууль
- Их Засаг Үндэсний инженер технологийн сургууль
- Их Засаг Чингис Соосэ Олон Улсын харилцааны сургууль
- Их Засаг Анагаах ухааны сургууль
- Их Засаг Хүмүүнлэгийн сургууль
- Их Засаг Шинжлэх ухааны сургууль
- Их Засаг-Дархан Салбар
- Их Засаг Политехник коллеж
- Их Засаг Лицей сургууль
- Тэмүүжин цэцэрлэг
Сургуулийн хэмжээ ба дэд бүтэц:
Их Засаг олон улсын их сургууль 120 га талбай бүхий эзэмшил газарт сургалт, үйлдвэрлэл, аялал жуулчлалын үйл ажиллагааг явуулдаг.
Сургуулийн хэмжээнд:
- Сургалтын стандартыг хангасан 10 хичээлийн байр
- 1000 гаруй оюутны багтаамжтай 4 оюутны байр
- 80,000 гаруй номын фондтой, 500 гаруй суудалтай 6 номын сан
- Интернетэд холбогдсон 6 компьютерын лаборатори
- Гадаад багш, оюутны байр
- Оюутны дадлагын бааз, сургалт-үйлдвэрлэлийн цогцолбор
- “Тэрэлж-Бумбан Тур” ба “Чингисийн Хөдөө Арал” жуулчны бааз
- Чингис хааны онгон шүтээний төв
- Сургуулийн музей
- 1000-2000 хүнд зэрэг үйлчлэх 2 соёлын төв
- Спортын 2 цогцолбор
- Эмнэлэг, гоо сайхны салбар
Багшлах бүрэлдэхүүн:
Их Засаг их сургуулийн багш нарын 90 гаруй хувь нь эрдмийн цол, зэрэгтэй бөгөөд БНХАУ, ОХУ, БНСУ, Япон зэрэг орны мэргэжилтэн багш нар ажиллаж байна. Нийт багш нарын 15 хувь нь олон улсын багш, судлаачид эзэлдэг.
Түүнчлэн дотоод, гадаадын нэр хүндтэй их, дээд сургуулиудын зочин профессор багш нар лекц, семинар зохион байгуулдаг.
Сургуулийн дэргэд Монгол Улсын нэр хүндтэй эрдэмтэн, доктор профессор, салбар бүрийн манлайлагчдаас бүрдсэн Удирдах Зөвлөл, Эрдмийн Зөвлөл ажиллаж, сургуулийн бодлого, төлөвлөлт, эрдэм шинжилгээ, судалгааны ажлыг байнга дэмжин тусалдаг.
