Их Засаг Их Сургуулийн Хүмүүнлэгийн Ухааны Сургуулийн Сэтгэл судлалын хөтөлбөрийн оюутнуудад зориулсан “Хуулийн сэтгэл судлал ба бид” сэдвээр лекц, ярилцлага амжилттай боллоо.

Арга хэмжээг Цагдаагийн байгууллагын Хошууч, сэтгэл зүйч Д.Даваасүрэн удирдан явуулж, хуулийн сэтгэл судлалын онол-арга зүйн үндэс, гэмт хэрэг үйлдэгчийн сэтгэл зүйн онцлог, хохирогчийг хамгаалах ажиллагаа, сэтгэлзүйн үнэлгээний аргачлал зэрэг чухал сэдвүүдийг оюутнуудад танилцууллаа.

Тус лекцийн зорилго нь оюутнуудад

• мэргэжлийн чиглэлийн гүнзгийрүүлсэн мэдлэг олгох,
• бодит жишээ, практик туршлагаас суралцуулах,
• хуулийн байгууллагад ажилладаг сэтгэл зүйчийн ажлын онцлогийг илүү сайн ойлгуулахад
  дэмжлэг үзүүлэхэд чиглэж байв.

Их Засаг Хүмүүнлэгийн Ухааны Сургууль нь оюутнуудын мэргэжлийн өсөлт, хөгжлийг дэмжих зорилгоор бодит туршлага олгох сургалт, уулзалт, ярилцлагыг тогтмол зохион байгуулсаар байна.