✅️ Дотоод хэргийн их сургуулийн “Эмерит профессор”, Монгол Улсын гавьяат хуульч, хууль зүйн доктор, профессор, хурандаа А.Лхагваа агсны нэрэмжит “Оюуны индэр-2025” эрдэм шинжилгээний хурлыг өнөөдөр /2025.11.13/ “Хоригдлыг нийгэмшүүлэх ажил: уламжлал, шинэчлэл” сэдвийн хүрээнд амжилттай зохион байгууллаа.

✅️ Хуралд Дотоод хэргийн их сургууль, Шүүхийн шийдвэр гүйцэтгэх ерөнхий газар, Монгол Улсын Их сургууль, Их Засаг их сургууль, Олон улсын Улаанбаатарын их сургууль, Баянзүрх дүүргийн Улаан загалмайн хороо, Хөгжлийн бэрхшээлтэй хүүхдийн сэргээн засах хөгжлийн төв зэрэг байгууллагын 100 гаруй эрдэмтэн, судлаач, оюутан оролцов.

✅️ Оюутан, суралцагчдаас ирсэн 40 орчим илтгэлээс 7 илтгэлийг хоёрдугаар шатанд шалгаруулан хэлэлцүүлж, шилдгүүдийг тодруулсан байна.

🏆 Шилдгүүд:

• I байр — Б.Ану-Үжин
  “Хорих ял эдэлж байгаа хүний үнэт зүйлийг тодорхойлох нь /зан үйлийн хамаарлын судалгаа/”
• II байр — Г.Энхжин
  “Хоригдлыг нийгэмшүүлэх бодлого дахь төрийн бус байгууллагын оролцоо, анхаарах асуудал”
• III байр — Их Засаг Их Сургуулийн оюутан Э.Нандинзул
  “Хоригдлыг нийгэмшүүлэхэд дэвшилтэт технологи, хиймэл оюун ухааны хэрэглээний боломж”

🎉 Э.НАНДИНЗУЛДАА халуун баяр хүргэж, сурлагын өндөр амжилт хүсье!