“ИХ ЗАСАГ КИНГС СКҮҮЛ” БҮРЭН ДУНД СУРГУУЛИЙН МАТЕМАТИКИЙН БАГШ

Б.Баасанбат нь боловсролын салбарт 10 гаруй жил ажилласан, математикийн сургалт, заах арга зүй, сурагчдын логик сэтгэлгээ, асуудал шийдвэрлэх чадварыг хөгжүүлэх чиглэлээр мэдлэг, дадлага туршлагатай багш юм.

Тэрээр Монгол Улсын Багшийн Их Сургуулийг математикийн багш мэргэжлээр бакалаврын зэрэгтэй төгсөж, улмаар математикийн чиглэлээр магистрын зэрэг хамгаалсан.

Боловсролын салбарт олон жил ажиллах хугацаандаа математикийн онолын мэдлэгийг практик хэрэглээтэй уялдуулан заах, сурагчдын тооцоолох чадвар, логик сэтгэлгээ, бие даан суралцах дадлыг хөгжүүлэх чиглэлээр мэргэжлийн мэдлэг, туршлага хуримтлуулсан.

Тэрээр сурагч бүрийн суралцах онцлог, мэдлэгийн түвшинд тохирсон сургалтын арга барилыг хэрэгжүүлэх, математикийн хичээлд сурагчдын сонирхол, идэвх оролцоог нэмэгдүүлэх, сурлагын амжилтыг ахиулахад анхааран ажилладаг.