Их Засаг их сургуулийн оюутан, суралцагчдын бие даан суралцах, хичээлээ давтах, шалгалтдаа бэлтгэх боломжийг нэмэгдүүлэх зорилгоор ИЗИС-ийн Төв номын санг 2026 оны 11 дүгээр сарын 02-ны өдрөөс 11 дүгээр сарын 13-ны өдрийг хүртэл 24 цагийн турш ажиллуулахаар боллоо.

Энэхүү үйл ажиллагаа нь суралцагчдад тав тухтай орчинд мэдлэг, боловсролоо дээшлүүлэх, бие даан суралцах нөхцөл боломжийг бүрдүүлэхэд чиглэж байна.

ҮЙЛЧИЛГЭЭНИЙ ХУГАЦАА: 2026.11.02–2026.11.13
АЖИЛЛАХ ЦАГ: 24 цаг

БҮРТГҮҮЛЭХЭД АНХААРАХ ЗҮЙЛС:

• Бүртгэлийн мэдээллийг үнэн зөв бөглөх.
• Оюутны үнэмлэх эсвэл иргэний үнэмлэхтэй ирэх.
• Эцэг эх, асран хамгаалагч, ар гэрийнхэн болон байрны багшаас урьдчилан зөвшөөрөл авах.
• Нэг удаагийн бүртгэл 10–50 оюутан, суралцагчийн хязгаартай.

АНХААРУУЛГА: 22:00 цагаас хойш номын сангийн хаалгыг хаах тул гаднаас нэвтрүүлэх болон дотроос гарах боломжгүй. Иймд бүртгүүлсэн оюутан, суралцагчид 22:00 цагаас өмнө номын санд ирсэн байна уу.

БҮРТГЭЛИЙН ТОО ХЯЗГААРТАЙ!

Та доорх холбоос болон QR кодоор нэвтэрч бүртгэлээ баталгаажуулна уу.

• Хуулийн уншлагын танхим:Бүртгүүлэх
• Төв уншлагын танхим:Бүртгүүлэх

Их Засаг их сургууль оюутан, суралцагчдынхаа сурч хөгжих таатай орчныг бүрдүүлэх, эрдэм мэдлэгт тэмүүлэх хүсэл эрмэлзлийг дэмжихэд чиглэсэн үйл ажиллагаагаа тогтмол хэрэгжүүлж байна.