Их Засаг олон улсын их сургуулийн Хүмүүнлэгийн ухааны сургуулийн Нийгмийн ажил, Сэтгэл судлалын хөтөлбөрийн I–IV курсын оюутнуудад зориулсан “Ажлын байранд дахь ажилтны зан байдал, сэтгэл зүйн онцлог” сэдвээр лекц, ярилцлага амжилттай зохион байгуулагдлаа.

📍 Лекц, ярилцлагыг Чингэлтэй дүүргийн Хүүхэд, гэр бүл хамгааллын газрын дарга Х.Азбаяр удирдан явуулж, оролцогчид ажлын орчны сэтгэл зүй, байгууллагын дотоод уур амьсгал, харилцааны соёл, мэргэжлийн ёс зүй зэрэг сэдвийн хүрээнд санал бодлоо солилцон, мэдлэгээ гүнзгийрүүлэв.

🤝 Уг арга хэмжээний үеэр Их Засаг олон улсын их сургуулийн Хүмүүнлэгийн ухааны сургууль болон Чингэлтэй дүүргийн Хүүхэд, гэр бүл хамгааллын газар хамтын ажиллагааны гэрээ, санамж бичиг байгууллаа.

📑 Энэхүү гэрээний хүрээнд:

• Сэтгэл судлалын хөтөлбөрийн оюутнуудыг дадлагын баазад хуваарилах
• Төгсөгчдийг ажлын байраар хангах
• Хамтран сайн дурын ажил, нийгмийн хариуцлагын арга хэмжээ зохион байгуулах
  зэрэг чиглэлээр хамтран ажиллахаар тохиролцов.

🌟 Хамтын ажиллагаа нь оюутан залуусын мэргэжлийн ур чадварыг бодит орчинд хөгжүүлэх, нийгмийн салбарт хувь нэмрээ оруулах чухал боломжийг бүрдүүлж байгаа юм.