📅 2025.11.03

Их Засаг их сургуулийн Түүх, Монгол судлал, Олон улсын харилцааны тэнхимийн монгол хэлний багш Н.Баасанжаргал, Гадаад харилцааны алба-тай хамтран БНХАУ-ын оюутнууд монгол хэлний бэлтгэл ангийг амжилттай төгссөний сертификат гардуулах ёслолын үйл ажиллагааг 2025 оны 11-р сарын 3-ны өдөр амжилттай зохион байгууллаа.

2025–2026 оны хичээлийн жилд Монгол хэлний бэлтгэл бүлэгт

• Анагаах ухааны сургууль (АУС)-ийн нүүр, ам судлал, хүний их эмч, сувилахуйн чиглэлээр 33 оюутан,
• Үндэсний мэдээлэл технологийн сургууль (ҮИТС)-д 2 оюутан,
• Хүмүүнлэгийн ухааны сургууль (ХУС)-д 2 оюутан
  нийт 37 гадаад оюутан суралцаж амжилттай төгссөн байна.

Ёслолын ажиллагааг нээж ИЗИС-ийн сургалт, үйл ажиллагаа эрхэлсэн проректор, доктор (Ph.D), дэд профессор Г.Туяа баяр хүргэн үг хэллээ.

🎤 Ёслолын үеэр гадаад оюутнууд “Улаанбаатарын үдэш”, “Fen You” зэрэг дууг дуулж, баярын мэндчилгээ дэвшүүллээ.

📜 Монгол хэлний сургалтаа амжилттай дүүргэсэн оюутнуудад

• ИЗ–ҮИТС-ийн захирал Д.Чулуунбилэг,
• ИЗ–АУС-ийн захирал доктор (Ph.D), профессор Б.Цацралт-Од,
• Гадаад харилцаа, хамтын ажиллагаа эрхэлсэн проректор Б.Дөлгөөн,
• Хүмүүнлэгийн ухааны сургуулийн захирал М.Даваадорж
  нар сертификат гардуулж, суралцсан дундаас онцгой амжилт үзүүлсэн Qiao Yu Kai, Du Jia Wei нарт “Их Засаг”-ийн алтан медаль гардууллаа. 🏅

Уг хүндэтгэлийн ёслолын үйл ажиллагааг АУС-ийн ахлах багш Б.Лхамноржмаа багштай Хүний их эмчийн 1-р курсийн анги хамт олон хариуцан зохион байгуулжээ.